دەربارە

دەربارەی سەندیکا

سەندیکای ژمێریاران ووردبینان لە هەرێمی کوردستان بە پێ ی یاسای ژمارە (18 ی ساڵی 2000) دامەزراوە و وەک دەستەیەکی پیشەیی سەربەخۆ کە بارەگای سەرەکی لە هەولێری پایتەختی هەرێمی کوردستانی عێراق، چەندین لق و نوێنەرایەتی لە پارێزگاکان و یەکە کارگێریە سەبەخۆکانی دیکە هەیە.

ئامانجی سەرەکی سەندیکا بریتیە لە ڕێکخستن وپەرەپێدانی پیشەی ژمێریاری و ووردبینی لە هەرێمی کوردستان لە رێگای بەرزکردنەوە و پارێزگاریکردن لەم پیشە و بەرەوپێش بردنی ئاستی پیشەیی و ڕۆشنبیری وئابووری ئەندامانی و هەروەها کارکردن بۆ بەهێزکردنی گیانی هەرەوەزی و هاوکاری لە نێوان ئەندامان و داکۆکیکردن لە مافەکانیان و گرینگیدان بە بەرژەوەندییەکانیان بەرەوپێش بردنی ژیانی ئابووری و کۆمەڵایەتی ژمێریاران لەگەڵ رێکخستن و چاودێریکردنی یاسا و شێوازەکانی ڕاهێنانی پێشەکە.

لە ئێستادا سەندیکا زیاتر لە (٣٠،٠٠٠) ئەندامی ژمێریار و ووردبینی هەیە و بەردەوام لە هەوڵ دایە بۆ دابینکردنی ژینگەیەکی پیشەیی مۆدێرن بۆ ئەوەی لە ڕووی زانیاری و ئامرازی پێویست بۆ گونجاندن لەگەڵ پێشکەوتنە خێراکانی جیهانی ژمێریاری و ووردبینی هاوکاری ئەندامەکانی بکات.

دیدگای سەندیکا

دیدگای سەندیکا بریتییە لە بوونی بە سەرچاوەیەکی سەرەکی بۆ پێگەیاندنی ژمێریاران و ووردبینان لە هەرێمی کوردستان و بەشداریپێکردنیان لە بەرەوپێشبردنی ژینگەیەکی ژمێریاری دارایی شەفاف وئاست بەرز و کارا لەسەر بنەماکانی حوکمڕانی دامەرزاوەیی.

ئەرکی سەندیکا

ئەرکی سەندیکا بریتییە لە بەرەوپێش بردنی توانای ژمێریاران و ووردبینان بۆ وەگەڕخستنی ڕۆڵی پیشەیی خۆیان بە شێوەیەکی کاریگەر لەرێگای رەخساندن و دابینکردنی ڕاهێنانی پێشکەوتوو، و باشترکردنی یاسا و شێوازەکانی پراکتیزەکردنی پیشە و کاری هەرەوەزی لەگەڵ دامەزراوە ناوەخۆیی، هەرێمی ونێودەوڵەتیەکان بۆ بەرزکەدنەوەی پێگەی پیشەکە.

بەهاکان

نایابی، دەستپاکی، داهێنان، و پابەندبوون بە پەرەپێدانی پیشەیی بەردەوام و پراکتیزە ئەخلاقییەکان.

ئامانجەکان

پابەندبوون بە پێوەرە ژمێریاری و پیشەییە نێودەوڵەتی و ناوەخۆییەکان (یاساکانی ژمێریاری نامیلکەی چاودێری دارایی عێراق)
دابینکردنی پرۆگرامی ڕاهێنانی پێشکەوتوو بۆ ئەندامانی سەندیکا.
پشتگیریکردنی ئەندامان بۆ بەدەستهێنانی بڕوانامە پیشەییە جیهانییەکانی وەک (Cert IFR) و (CMA) و (CPA).
هەماهەنگی کردن لەگەڵ لایەنە حکومی وئەکادیمییەکان بۆ پەرەپێدان و یاسادانانی دارایی و ژمێریاری.
هەماهەنگی لەگەڵ لایەنەکانی یاسادانان و جێبەجێکار بۆ بە بەرزکردنەوەی ئاستی تواناکانی ژمێریاران و ووردبینان بۆ پابەندبوون بە ستانداردەکان و کۆنترۆلەکانی دژە سپیکردنەوەی پارە و رێگریکردن لە یارمەتیدانی دارایی تیرۆر.
نوێنەرایەتیکردنی ژمێریاران و ووردبیان لە کۆڕبەندە ناوخۆیی و هەرێمی و نیودەوڵەتییەکان.

خزمەتگوزاری و چالاکیەکان

ڕاهێنان و پەرەپێدانی پیشەیی: ڕێکخستنی خولی تایبەت لە بوارەکانی ژمێریاری، وردبینی و دارایی دامەزراوەیی.
ڕووداو و کۆنفرانسەکان: میوانداریکردنی سیمینار و وۆرکشۆپ بۆ تاوتوێکردنی دوایین پێشکەوتنەکانی ئەم بوارە.
پاڵپشتی و ڕاوێژکاری پیشەیی: پێشکەشکردنی خزمەتگوزاری ڕاوێژکاریی بۆ ئەندامان.
بەشداری لە گۆڤارە تایبەتەکانی ژمێریاری: بە ئامانجی پێشکەشکردنی نوێترین توێژینەوە و ڕاپۆرتە داراییەکان بە ئەندامانی سەندیکا.
هاوبەشیی ئەکادیمی و پیشەیی: هەماهەنگی و هاوکاری لەگەڵ زانکۆ و پەیمانگا پیشەییەکان.