ئەندامێتی لە سەندیکا

• ئەندامی بنەڕەتی (ڕەسەن)
  ئەو کەسە دەگرێتەوە کە هەڵگری بڕوانامەی بەکالۆریۆس بێت لە ژمێریاری لە زانکۆیەکی (کوردستانی - عێراق)ی یان هاوتاکەی، بەشێوەیەک کە ناکۆک نەبێت لەگەڵ ڕێنماییەکان و بڕیارەکانی وەزارەتی خوێندنی باڵا و توێژینەوەی زانستی لە هەرێمی کوردستان.
• ئەندامی بەدەستهێنراو (وەرگیراو)
  هەموو ئەوانەی مافی ئەندامێتییان لە سەندیکا بەدەستهێناوە بەپێی مەرجەکانی پراکتیزەکردن لە پۆلێنی (أ) و (ب) و بەم شێوەیەی خوارەوە پۆلێن دەکرێن:

  • پۆلینی(أ): هەڵگری بڕوانامەی بەکالۆریۆس لە (بازرگانی، دارایی و بانک، کارگێڕی) و دیپلۆمی ژمێریاری، بە مەرجێک ماوەی خوێندنی لە دوو ساڵ دوای بڕوانامەی ئامادەیی کەمتر نەبێت.
  • پۆلی (ب): دەرچووی ئامادەیی بازرگانی (ژمێریاری و بازرگانی گشتی) و هەڵگری بڕوانامەی دیپلۆمی ژمێریاری پەسەندکراو لەلایەن وەزارەتی پەروەردەی هەرێمی کوردستان کە ماوەکەی پێنج ساڵە.