دەربارە

دەربارەی سەندیکا

سەندیکای ژمێریاران و وردبینان لە هەرێمی کوردستان بە پێی یاسای ژمارە (18 ی ساڵی 2000) دامەزراوە و وەک دەستەیەکی پیشەیی سەربەخۆ کە بارەگای سەرەکی لە هەولێری پایتەختی هەرێمی کوردستانی عێراقه، چەندین لق و نوێنەرایەتی لە پارێزگاکان و یەکە کارگێڕییە سەبەخۆکانی دیکە هەیە. ئامانجی سەرەکی سەندیکا بریتیە لە ڕێکخستن وپەرەپێدانی پیشەی ژمێریاری و وردبینی لە هەرێمی کوردستان لە رێگای بەرزکردنەوە و پارێزگاریکردن لەم پیشەیە و بەرەوپێش بردنی ئاستی زانستی و ڕۆشنبیری وئابووری ئەندامانی و هەروەها کارکردن بۆ بەهێزکردنی گیانی کاری پێکەوەیی و هاوکاری لە نێوان ئەندامان و داکۆکیکردن لە مافەکانیان و گرینگیدان بە بەرژەوەندییەکانیان، هەروەها بەرەوپێش بردنی ژیانی ئابووری و کۆمەڵایەتی ژمێریاران لەگەڵ رێکخستن و چاودێریکردنی یاسا و شێوازەکانی ڕاهێنانی پیشەکە. ئێستا سەندیکا زیاتر لە (٣٠ هەزار) ئەندامی هەیە و بەردەوام لە هەوڵدایە بۆ ڕەخستاندنی ژینگەیەکی پیشەیی مۆدێرن بۆ ئەوەی ئەندامەکانی بە سوودوەرگرتن لە زانست و ئامرازە پیشەییەکان بتوانن خۆیان لەگەڵ پێشکەوتنە خێراکانی بوارەکە بگونجێنن.

دیدگای سەندیکا

سەندیکای ژمێریاران و وردبینانی کوردستان کار دەکات بۆ ئەوەی ببێت بە سەرچاوەیەکی سەرەکی بۆ پێگەیاندنی ژمێریاران و وردبینان لە هەرێمی کوردستان و بەشداریپێکردنیان لە بەرەوپێشبردنی ژینگەیەکی ژمێریاری و دارایی شەفاف وئاست بەرز و کارا لەسەر بنەماکانی حوکمڕانی دامەزراوەیی.

ئەرکی سەندیکا

ئەرکی سەندیکا بریتییە لە بەرەوپێش بردنی توانای ژمێریاران و وردبینان بۆ وەگەڕخستنی ڕۆڵی پیشەیی خۆیان بە شێوەیەکی کاریگەر، ئەمەش لەڕێگای ڕەخساندن و دابینکردنی ڕاهێنانی پێشکەوتوو و باشترکردنی یاسا و شێوازەکانی پراکتیزەکردنی پیشە و کاری پێکەوەیی لەگەڵ دامەزراوە ناوەخۆیی و هەرێمی و نێودەوڵەتیەکان، بۆ بەرزکردنەوەی پێگەی پیشەکە.

بەهاکان

ئاست بەرزی، دەستپاکی، داهێنان، و پابەندبوون بە پەرەپێدانی پیشەیی بەردەوام و بنەماکانی ئەخلاقی پیشەیی.

ئامانجەکان

پابەندبوون بە پێوەرە ژمێریاری و پیشەییە نێودەوڵەتی و ناوخۆییەکان، وەک (بنەماکانی ژمێریاری، ڕێبەری ووردبینی دارایی عێراق).
دابینکردنی پرۆگرامی ڕاهێنانی پێشکەوتوو بۆ ئەندامانی سەندیکا.
پشتگیریکردنی ئەندامان بۆ بەدەستهێنانی بڕوانامە پیشەییە جیهانییەکانی وەک (Cert IFR) و (CMA) و (CPA)..
هەماهەنگی کردن لەگەڵ لایەنە حکومی وئەکادیمییەکان بۆ دەرچواندنی ئەو یاسا و ڕێنماییانەی پەیوەندییان بە بوارەکانی دارایی و ژمێریارییەوە هەیە.
هەماهەنگی لەگەڵ لایەنەکانی یاسادانان و جێبەجێکار بۆ بەرزکردنەوەی ئاستی تواناکانی ژمێریاران و وردبینان بە مەبەستی پابەندبوونیان بە ستانداردەکانی دژی پارە سپیکردنەوە (AML) و رێگریکردن لە پارەدارکردنی تیرۆر (CTF).
نوێنەرایەتیکردنی ژمێریاران و وردبینان لە ناوەندە ناوخۆیی و هەرێمی و نیودەوڵەتییەکان.

خزمەتگوزاری و چالاکیەکان

ڕاهێنان و پەرەپێدانی پیشەیی: ڕێکخستنی خولی تایبەت لە بوارەکانی ژمێریاری، ووردبینی و دارایی دامەزراوەیی.
چالاکی و کۆنفرانسەکان: ڕێکخستنی سیمینار و وۆرکشۆپ بۆ تاوتوێکردنی دوایین پێشکەوتنەکانی ئەم بوارە.
پاڵپشتی و ڕاوێژکاری پیشەیی: پێشکەشکردنی خزمەتگوزاری ڕاوێژکاریی بۆ ئەندامان.
هاوبەشیکردنی گۆڤارە تایبەتەکانی ژمێریاری: بە ئامانجی پێشکەشکردنی نوێترین توێژینەوە و ڕاپۆرتە داراییەکان بە ئەندامانی سەندیکا.
هاوبەشیی ئەکادیمی و پیشەیی: هەماهەنگی و هاوکاری لەگەڵ زانکۆ و پەیمانگا پیشەییەکان.

ئەنجومەنی باڵای سەندیکا

سلیم سلیم حسین

نەقیب

گۆران فرهاد أبوبكر

جێگری نەقیب