ئەم لیژنەیە تایبەتە بە سەیرکردنی سەرجەم ئەو سەرپێچیانەی كە دەقنووس کراون لە یاسای سەندیکا و ئەم پەیڕەو و ڕێنماییانەی کە ئەنجومەن دەریکردوون و هەڵدەستێت بە لێكۆڵینەوە لەو كەیس و سكاڵایانە و لیژنەی ڕێككاری پەیرەوی ئەو بنەمایانە دەکات کە لە یاسای ڕێككاری فەرمانبەرانی دەوڵەتدا هاتوون و هەموارکردنەوەکانیشیان، بڕیارەکانیشی بواری تانەلێدانیان هەیە لە دادگای تەمیز لە هەرێمی کوردستان لەمیانی (٣٠) سی ڕۆژدا لە ڕێکەوتی ئاگادارکردنەوەی لە بڕیارەکە و بڕیاری دادگا یەکلاییکەرەوە دەبێت.

تایبەتمەندە بە کاندیدکردنی ئەندامان و پیادەکاران بۆ كاركردن لە كۆمپانیا و نووسینگە ناوخۆیی و بیانییەكان بەپێی ئەو ڕێکارانەی كە ئەنجومەنی سەندیکا بڕیاریان لەسەر دەدات، هەروەها ئامادەكردنی لیستی ناوی ئەو كەسانەی دەگیرێنەوە بەپێی ئەو پێشینەییەی كە ئەنجومەنی سەندیکا دیاریی دەكات یان هەر ڕێنماییەك کە لەلایەن سەندیکاوە دەردەچێت.