دیدگای سەندیکا بریتییە لە ‌هەوڵدان بۆ بوونی بە سەرچاوەیەکی سەرەکی لە پێگەیاندنی ژمێریاران و وردبینان لە هەرێمی کوردستان وە بەرەوپێشبردنی ژینگەیەکی ژمێریاری شەفاف وئاست بەرز و کارا لەسەر بنەماکانی حوکمڕانی دامەرزاوەیی.

ئەرکی سەندیکا بریتییە لە بەرەوپێش بردنی توانای ژمێریاران و وردبینان لە رێگەی کردنەوەی خوول و بەشداری پێکردنیان لە ڕاهێنانی پێشکەوتووی سەردەمیانە بە ئامانجی وەگەڕخستنی ڕۆڵی پیشەیی خۆیان بە شێوەیەکی کاریگەر بۆ سوود گەیاندن بە دامەزراوەکان، وە باشترکردنی یاسا و شێوازەکانی پراکتیزەکردنی پیشە و کاری پێکەوەیی لەگەڵ دامەزراوە ناوەخۆیی و دەرەکیەکان بۆ بەرزکردنەوەی پێگەی پیشەی ژمێریاران.

ئامانجی سەرەکی سەندیکا بریتیە لە بەهێزکردن و بەرەوپێش بردنی پیشەی ژمێریاری لە هەرێمی کوردستانی عێراق لەڕێگەی پشت بەستن بە ستانداردە ناوخۆیی وجیهانییەکانی ژمێریاری و وردبینی وهەوڵدان بۆ بەهێزکردنی ئەندامان لەڕێگەی رەخساندنی هەلی ڕاهێنان و کردنەوەی خوول و بەخشینی بڕوانامە بە بەشداربووان.